Luis Artoni (Argjentinë, 21-05-1980) është drejtor teknik i futbollit profesional, i diplomuar në ATFA/FIFA (Argjentinë) në vitin 2016, me përvojë ndërkombëtare nga katër kontinente. Përvoja e tij pune përfshin 3 vjet në Mendoza, Argjentinë (themelues i shkollës së futbollit), Ginea-Bisau, Afrikë (trajner i një skuadre amatorësh), katër vite në Stamboll, Turqi (disa skuadra futbolli dhe skuadra futbolli për të verbërit) dhe në Shqipëri (shkollë futbolli dhe kombëtarja e futbollit për të amputuar). Ai është i trajnuar në punën e skuadrave multikulturore, i kualifikuar për të trajnuar fëmijë, adoleshentë, të rinj dhe të rritur në nivel profesional. Ai gjithashtu ka përvojë në sportet e përshtatura, çka i jep fleksibilitet dhe kreativitet në mësim.

Luis mendon se futbolli duhet të mësohet në një mënyrë të këndshme (pasi është një lojë) dhe me respekt reciprok (nga trajneri te sportistët dhe anasjelltas) duke drejtuar trajnimin në tre fusha kryesore pune: Teknik, fizik dhe mental.